රට හැරයන ම මිතුර- My friend who will leave the country-Mathaka Amathum-Poem

 රට හැරයන ම මිතුර

 Image by Joshua Woroniecki from Pixabay 

මහාසෑය පිස හමන                      
වාමඬල  දුන් දිරිය
මුවපුරා අවුළුවා 
නැවුම් පැතුමක  එළිය
විසිවසක් ගෙවුමුත්             
හෙටත් සිහි කළ හැකිය  
වෙල්දෙණියේ සුවඳ බැඳ
කොළඹ ආ මුල් දිනය

 

රෑ දවල් විදි වෙහෙස
හිරැ නොදත්  රහසක්ය
හැරී බැලු විට  සැරිය
ඇරඹුනා පමණක්ය
ඇස්පනාපිට බිදුණි
ජීවිතේ සව්සිරිය 
එපා ලතැවුල් ගන්න
නුඹ එකෙක්  විතරක්ය

 

කැදැල්ලෙන් පිට  ඉගිල්ලෙන්නට
ඇත් රජුගේ වෙර  සිතට වේවා
තබනතුරු  කෙම්බිමක පියවර  
ඔබට බාධක හමුනොවේවා
නොහිම් පැතුමන්  එකක් නෑරම
නැගෙන හිරු මෙන්  සඵල වේවා
සසර ඉපදී එකම මවුබිම
වෙන්නොවන සොහොයුරන්  වේවා