වැහි බිඳුව
Photo by Pixabay
මෝසමක වැහි බිඳක්
වලා නෙතගින් මිදී
නවාතැන්ගෙන සිටී
තුරු සිරස මත රැදී
තුරට ළංවී සිටී
කිසිවෙකුට නොදැනිනී
වැහි බිදුව එක දිනෙක
තුරු හිසින් ගිලිහුනී
තුරු පතින් තුරු පතට
හෙමි හෙමින් වැගිරිනී
ඉනික්බිති නිසල වී
කළු වලා පෙළ ලිහී
වැසි සමය නිමවුනී
හිරුගේ ලා කිරණ දී
සඳුගේ සිසිලස ලැබී
තරු උයන් මැද දිලී
සුදු සේල පෙළ සැදී
සොදුරු ඒ අහස යට
වැහි බිදුව දිළිසිණි
ඉපල් අග නිල එබී
කටු තුඩග මල් පිපී
තුරු අතර පළ රැදී
කුරුළු ගී හඬ පිරී
වසන්තය වඩින මග
වැහි බිදුව වැතිරිනි
හිතේ සොම්නස් පිරී
සිනාමල් පෙති ලිහී
ඇල් සුළං හා වෙලී
දස දෙසට විසිරිණි
මල් සුවඳ දැනි දැනී
වැහි බිදුව වියැළිනී
No comments:
Post a Comment