තරු දෙඩුම්
Photo by Kammeran Gonzalez-Keola: pexels.com
තරු මිතුර ඔබ
හිරු වඩින තුරු
මේ ඉසව්වෙන්
බැස නොයනු මැන
නින්ද නොනිදන
රැයක වගතුග
හෙමින් පවසමි
අසා ඉනු මැන
සමුදුරක රල
සේ නැගී
එයි
හැපී හඬ දෙයි
යමක් ලය මැද
නෙත් වසාගත්
සැනින් එළබෙයි
තරු දෙකක්
රැය පුරා දිදුලන
වලාකුළු මත
ඇවිද රෑ මැද
ඇහිද තරු කැට
තියයි සඳ මත
සඳුන් සුවදැති
අමුතු සුළඟක්
මුමුණමින් කවි
වෙළෙයි මා ගත
අසන්නට කිසි
කෙනෙක් නැතුවට
විටින් විට අඩගසයි
නමකට
සිතුම් පවසන
වදන් නැති තැන
සුසුම් ලෙස
මුහු කරයි අහසට
තරු ප්රියාණෙනි
ඇය බලනු මැන
සුවෙන් නිදිදැයි
මට කියනු මැන
ඇගේ සිහිනෙට
එළිය දෙනු මැන
හෙටත් මා වෙත
සවන් දෙනු මැන
No comments:
Post a Comment